مری میں آتشزدگی کے دوواقعات، قیمتی سامان جل کر خاکستر  

مری (نامہ نگار خصوصی ) مری میں آتشزدگی کے دوواقعات رونماہے ۔پہلا واقع  میںمری کے نواحی علاقے پٹھلی میں نامعلوم وجوہات کی بناء پر آگ بھڑک اٹھی جس کے باعث پانچ دوکانیں بمعہ قیمتی سامان جل کر خاکستر ہوگئیٰ 1122 کی ٹیم نے موقع پر پہنچ کر آگ بجھائی، تاہم دوکانوں میں موجود قیمتی سامان پہلے ہی راکھ کا ڈھیر بن چکا تھا ۔جلنے والے سامان کی مالیت لاکھوں روپے بتائی جا رہی ہے۔ ادھر مری پولیس نے دوکانوں کے مالک کی مدعیت میں ایف آئی آر درج کر کے تحقیقات کا آغاز کر دیا ہے۔ دوسری آتشزدگی میں  سترہ میل دربار کے نزدیک جنگل میں شدید  آگ لگنے کی اطلاع پر ریسکیو اہلکاروں کو ایمرجنسی ایمبولنس اور فائر وہیکل کے ہمراہ روانہ کر دیا گیا۔ جنگل میں آگ لگنے کی معلومات متعلقہ محکمے کو فراہم کر دی گء تھی۔ریسکیو اہلکار کئی  کلومیٹر ء پیدل سفر کر کے مقوع پر پہنچ گئے جو آخری اطلاعات تک آگ پر قابو پانے میں مصروف تھے ۔