اسلام آباد(وقائع نگار )گورنمنٹ کی ہدایت پر کل سے 10 کلو آٹے کا تھیلا گورنمنٹ کی مقرر کردہ قیمت 490 روپے میں اسلام آباد کے مختلف پوائنٹس پر دستیاب ہوگا۔ڈپٹی کمشنر اسلام آباد عرفان میمن کی طرف سے جاری کردہ ایک بیان میں انہوں نے بتا یا کہ آٹے کے تھیلے کے ٹرک اسلام آباد میں ہاکی گرانڈ جی سکس فور کے قریب، بہارہ کہو میں یونین کونسل آفس کے سامنے، کراچی کمپنی میں ٹریفک چالان آفس کے سامنے اور تر لائی منڈی کے ساتھ دستیاب ہونگے جہاں سے لوگ باآسانی دس کلو آٹے کا تھیلا چار سو نوے روپے میں خرید سکتے ہیں ۔ اس کے علاوہ گورنمنٹ کی ہدایت پر عوام کی سہولت کے لئے مختلف دکانوں پر بھی گورنمنٹ کی طرف سے مقرر کردہ قیمت پر دستیاب ہو گا ۔