ایڈیشنل آئی جی کا دورہ رمادہ ہوٹل،کھلاڑیوں کی سیکیورٹی کے انتظامات کا جائزہ

ملتان( نمائندہ خصوصی) ایڈیشنل آئی جی پولیس جنوبی پنجاب ڈاکٹر احسان صادق نے آر پی او ملتان کے ہمراہ رمادہ ہوٹل کا دورہ کیا اور انٹرنیشنل کھلاڑیوں کی سیکیورٹی کے لیے کیے گئے انتظامات کا جائزہ لیا  انہوں نے  سٹیڈیم کی سیکیورٹی انتظامات بھی چیک کیے اس دوران انہوں نے سیکیورٹی ڈیوٹی پر مامور افسران و ملازمان کو الرٹ رہنے کی ہدایت کی اس موقع پر  سی پی او ملتان نے سیکیورٹی انتظامات پر بریفنگ دی  ایڈیشنل آئی جی جنوبی پنجاب نے کہا کہ انٹرنیشنل میچز کا ملتان میں انعقاد جنوبی پنجاب کی عوام کے لیے ایک تحفہ ہے  پولیس ہر قسم کے حالات میں امن و امان قائم رکھنے کے لیے ہر لمحہ تیار ہے سیکیورٹی کی صورتحال برقرار رکھنے کے لیے شہری پولیس اور دیگر قانون نافذ کرنے والے اداروں سے تعاون کریں۔