کرم پور (نامہ نگار) کرم پور میں واٹر سپلائی سکیم کی مشینری خراب ہو جانے سے لوگوں کو صاف پانی کی فراہمی بند ، پانی نہ ملنے پر سخت گرمی میں شہریوں کا برا حال ، شدید احتجاج ۔ کرم پور میں ضلع کونسل کے تحت چلنے والی واٹر سپلائی سکیم کی مشینری میں خرابی پیدا ہوگئی ہے جس سے کئی روز سے پانی کی فراہمی نہ ہو رہی ہے سخت گرمی میں پانی نہ ملنے سے عوام کو سخت پریشانی کا سامنا ہے۔خواتین ،بچے، مرد پانی کیلئے برتن اٹھائے پھر رہے ہیں۔مقامی شہریوں نے بتایا ہے کہ آدھے شہر کو پانی کی فراہمی بند ہے۔ ڈی سی وہاڑی فوری نوٹس لیں اور پانی کی فراہمی کیلئے اقدامات کریں۔