ریاض (نوائے وقت رپورٹ ) سات سال کے بعد ایران نے سعودی عرب میں سفارت خانہ دوبارہ کھول دیا۔ ریاض میں موجود سفارتی ذرائع کے مطابق افتتاحی تقریب میں  سعودی عرب میں نئے تعینات ہونے والے ایرانی سفیر علی رضا عنایتی موجود تھے۔ایران نے گزشتہ ماہ علی رضا عنایتی کو سعودی عرب میں ایرانی سفیر مقرر کرنے کا اعلان کیا تھا۔سعودی عرب نے تاحال اس بات کی تصدیق نہیں کی کہ وہ تہران میں اپنا سفارت خانہ دوبارہ کب کھولے گا اور کسے وہاں اپنا سفیر تعینات کرے گا۔