گندم درآمدبحث،وقفہ سوالات موخر،پچھلےبنچز پر خوش گپیاں

قومی اسمبلی کا اجلاس سپیکر سردار ایاز صادق کی زیر صدارت اکتالیس منٹ تاخیر سے شروع ہوا وقفہ سوالات کے دوران گندم کے مسئلے پر بات کرنے کیلئے اسپیکر نے سنی اتحاد کونسل کے چیف وہیپ عامر ڈوگر کی مشاورت سے وقفہ سوالات کا ایجنڈا ڈیفر کردیااور صرف گندم کے مسئلے پر بات کرنے کیلئے اراکین کو موقع دیا۔ اپوزیشن سمیت پیپلزپارٹی اراکین نے کسانوں کی حمایت اور گندم معاملے پر حکومت کو آڑے ہاتھوں لیا سوالات کے دوران پچھلے بنچز پر اراکین خوش گپیوں میں مصروف رہے نماز مغرب کے وقفہ کے بعد پینل آف چیئر کی رکن شہلا رضا نے اجلاس کی کاروائی چلائی۔ رات دس بجکر بیس منٹ تک اجلاس جاری رہا۔ اجلاس میں اراکین کو گندم پر کھل کر بات کرنے دی گئی بعدازاں اجلاس آج دن گیارہ بجے تک ملتوی کردیا گیا۔