لاہور(سپورٹس رپورٹر) سٹرانگ مین گیمز میں گولڈ میڈل جیتنے والے قومی ہیرو نوح دستگیر کا گوجرانوالہ واپس پہنچنے پر شاندار استقبال کیا گیا۔پھولوں کی پتیاں نچھاور کی گئی، نوجوانوں نے ڈھول کی تھاپ پر بھنگڑے بھی ڈالے، نوح دستگیر بٹ کو بگھی پر بٹھا کر گھر لے جایا گیا۔ نوح دستگیر بٹ نے ازبکستان میں ہونے والے سٹرانگ مین گیمز میں بھارتی حریف کو شکست دے کر گولڈ میڈل جیتا تھا، ایونٹ میں 16 ممالک کے کھلاڑیوں نے حصہ لیا تھا۔ نوح دستگیر بٹ نے  2022 میں کامن ویلتھ گیمز  میں گولڈ میڈل جیتا تھا ۔بلکہ کامن ویلتھ گیمز میں ورلڈ کارڈ بھی قائم کیا تھا۔