لاہور(سپورٹس رپورٹر) سعودی عرب کی فٹبال ٹیم کے کپتان سالم الدوسری نے اپنے ننھے پاکستانی مداح سے مل کر اْس کی فرمائش پوری کر دی۔سماجی رابطے کی ویب سائٹ ایکس پر ایک ویڈیو وائرل ہے جس میں سعودی ٹیم کے کپتان سالم الدوسری کو پاکستانی بچے سے ملاقات کرتے ہوئے دیکھا جا سکتا ہے۔ سالم الدوسری اپنے ننھے پاکستانی مداح سے ملاقات کے دوران بات چیت کرتے ہیں اور پھر اْنہیں اپنی قومی جرسی بھی بطور تحفہ پیش کرتے ہیں۔اپنے ہیرو سے مل کر یہ ننھا مداح خوشی سے پھولے نہیں سماتا اور جرسی ہاتھ میں پکڑ کر خوب خوش دکھائی دیتا ہے۔