لاہور(سپورٹس رپورٹر)پاکستان ویتنام کو شکست دیکر ایشین چیلنج کپ والی بال ٹورنامنٹ کے سیمی فائنل میں پہنچ گیا ۔  پاکستان نے سخت مقابلے کے بعد حریف ٹیم کو دو کے مقابلے میں تین سیٹ جیت کر شکست دی ۔ قومی ٹیم پہلا سیٹ پچیس کے مقابلے میں انیس پوائنٹس سے ہار گئی ۔ دوسرے سیٹ میں کم بیک کیا اور ستائیس پچیس سے کامیابی حاصل کرکے مقابلہ ایک ایک سے برابر کردیا ۔ تیسرا سیٹ تئیس کے مقابلے میں پچیس پوائنٹس سے جیتااور مقابلہ دو ایک کر دیا۔ ویتنام نے چوتھا سیٹ پچیس اکیس سے جیت کر مقابلہ دو دو سے برابر کردیا ۔ قومی ٹیم نے پانچواں سیٹ پندرہ بارہ سے جیت کر مقابلہ تین دو سے جیت کر سیمی فائنل کیلئے کوالیفائی کرلیا ۔ پاکستان سیمی فائنل بحرین اور کوریا کے درمیان میچ کی فاتح ٹیم کیخلاف کھیلے گا۔  دوسرے سیمی فائل میں قازقستان اورقطر کی ٹیمیں مد مقابل ہونگی ۔