حافظ آباد: واپڈا ورکرز یونین انتخابات ، ذوالفقار تارڑ چیئرمین ، سید تنویر وائس چیئرمین منتخب 

حافظ آباد(نمائندہ نوائے وقت) پاکستان واپڈہ ہائیڈروالیکٹرک ورکرز یونین علی پور سب ڈویژن کے انتخابات میں ذوالفقار تارڑ چیئرمین جبکہ سید محمد تنویر وائس چیئرمین منتخب ہوگئے۔ دیگر عہدیداران میں سیکریٹری انعام اﷲتتلہ ، جوائنٹ سیکریٹری مدثر خالد چٹھہ منتخب ہوگئے ۔یہاں یہ امر قابل ذکر ہے کہ گوجرانوالہ ریجن میں یہ سب سے بڑا مقابلہ تھا جس میں ولی الرحمن اور رانا شہزاد گروپ نے میدان مارلیا۔ اس موقع پر نومنتخب عہدیداران نے کہا کہ وہ اپنے قائدین خان ولی الرحمن خان اور رانا شہزاد کی قیادت میں ملازمین اور ورکرز کی خدمت کے مشن کو آئندہ بھی جاری رکھیں گے۔