وزیرآباد‘چنیوٹ‘سمبڑیال(نامہ نگار‘نمائندہ نوائے وقت )آندھی طوفان ‘بارش اور آسمانی بجلی گرنے سے 2بچیاں جاں بحق‘خاتون سمیت دو افراد زخمی اور درجنوں جانور ہلاک ہوگئے۔ میں وڈالہ چیمہ کی رہائشی ماں بیٹی خدیجہ بی بی و نور فاطمہ اپنے گھر کے صحن میں بیٹھی تھیں کہ شدید طوفان سے ہمسایہ کی دیوار صحن میں آ گری دونوں ماں بیٹی دیوار کے تلے دب گئیں10 سالہ  بیٹی نور فاطمہ موقع پر جان کی بازی ہار گئی جبکہ ماں خدیجہ بی بی شدید زخمی ہو گئی دوسرے حادثہ میں سوہدرہ موڑ سجاد کالونی کے قریب بیلہ کے گاؤں دولت آباد کا رہائشی موٹر سائیکل سوار خاور علی شدید طوفان کے باعث موٹر سائیکل پر قابو نہ رکھ سکا اور روڈ ڈیوائڈر سے ٹکرا گیا سر پر لگنے والی چوٹ کی وجہ سے نوجوان جانبر نہ ہو سکا۔ تیسرے حادثے میں زیر تعمیر پلازہ کی شٹرنگ کا سامان و نوتعمیر شدہ پردے گرنے سے درجن کے قریب گاڑیاں جزوی طور پر تباہ ہوگئیں۔سمبڑیال آندھی طوفان سے گرنے والی دیوار کے نیچے آنے والا 10سالہ بچہ سلمان ہسپتال میں دم توڑ گیا، ٹبے والے قبرستان میں سپردخاک کردیا گیا۔ چنیوٹ کی تحصیل بھوآنہ کے علاقہ چک 229میں گذشتہ رات شدی آندھی بارش کے ساتھ آسمانی بجلی گرنے سے لاکھوں روپے کے درجنوں جانور ہلاک ہو گئے جبکہ 55سالہ محمد شفیع سکنہ نذیر آباد زخمی ہوا ریسکیو 1122کی امدادی ٹیم نے زخمی کو ابتدائی طبی امداد دی ۔