راولپنڈی : پی این ایس اصلت نے بحرہند میں جاپان اور اسپین کےبحری جہازوں کیساتھ مشقیں کیں، جس کا مقصد خطے میں بحری افواج میں باہمی تعلقات کومضبوط ،باہمی تعاون بڑھانا ہے۔پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ پی این ایس اصلت نے بحرہندمیں جاپان،اسپین کےبحری جہازوں کیساتھ مشقیں کیں۔آئی ایس پی آر کا کہنا تھا کہ پی این ایس اصلت نے ریجنل میری ٹائم سیکیورٹی پٹرول کے دوران مشقیں کیں۔جاپان میری ٹائم ڈیفنس فورس کے سازانامی جہاز اور اسپین کےبحری جہاز ایس پی ایس کینارس کیساتھ بھی بحری جنگی مشق کی۔ترجمان نے بتایا کہ مشقوں کا مقصد خطے میں بحری افواج میں باہمی تعلقات کومضبوط ،باہمی تعاون بڑھاناہے۔آئی ایس پی آر کے مطابق پاک بحریہ سمندرمیں امن و امان کیلئےمشترکہ کوششوں پر یقین رکھتی ہے۔پاک بحریہ نے عالمی بحری افواج کیساتھ مشترکہ مشقیں علاقائی امن کیلئے پاکستان کے عزم کا اظہار کیا ہے۔