لورا لائی : کنوئیں کی صفائی کے دوران گیس سے دم گھٹنے سے 2 بھائی جاں بحق

لورالائی(آئی این پی) لورا لائی کے علاقے انمبرگ میں کنوئیں کی صفائی کے دوران گیس سے دم گھٹنے کے باعث 2 بھائی جاںبحق ہو گئے۔ بدھ کو انمبرگ میں کمال خان کے 2 بیٹے 2 بھائی نصر اللہ اور محمد خان گھر میں کنوئیں کی صفائی کیلئے نیچے اترے تاہم جب کافی دیر تک ان کی آواز نہ آئی تو گھر والوں کو تشویش ہوئی جس پر کنوئیں میں دیکھنے پر دونوں کو بے ہوش حالت میں باہر نکالا گیا جنہیں فوری طو رپر ہسپتال منتقل کیا گیا۔