بنوں ( نامہ نگار) بنوں میں تھرماس میں نصب بم دھماکے میں دو بچوں سمیت 3 افراد زخمی ہوگئے۔ تھانہ میریان کی حدود میں واقع نورڑ نزد حمید اللہ پیٹرول پمپ 30 سالہ فہیم اللہ، 12سالہ مطیع اللہ،9 سالہ انعام اللہ کو مچھلی کے شکار کے دوران نالے سے تھرماس ملا جس میں بارودی مواد نصب تھا جو زوردار دھماکے سے پھٹ گیا جس کے نتیجے میں تینوں شدید زخمی ہوگئے۔ موقع پر موجود لوگوں نے زخمیوں کو فوری طور پر طبی امداد کیلئے ڈی ایچ کیو ہسپتال بنوں پہنچا یا تاہم ایک زخمی کو تشویشناک حالت میں پشاور ہسپتال منتقل کیا گیا۔ میریان پولیس نے واقعہ کی ایف آر درج کرکے تفتیش شروع کردی۔