سلطان اذلان شاہ ہاکی ٹورنامنٹ، قومی ہاکی ٹیم کا تربیتی کیمپ شروع

لاہور(سپورٹس رپورٹر) 25 ویں سلطان اذلان شاہ کپ کیلئے قومی ہاکی ٹیم کا تربیتی کیمپ ہیڈ کا خواجہ جنید کی زیر نگرانی جوہر ٹاؤن ہاکی سٹیڈیم میں آغاز ہو گیا۔ قومی ٹیم کے تربیتی کیمپ کیلئے پاکستان ہاکی فیڈریشن نے پچاس کھلاڑیوں کو مدعو کیا تھا۔ کیمپ میں عمران بٹ، امجد علی، مظہر عباس، یاسر، ولید، محمد عرفان، محمد علیم، سید کاشف شاہ، اسد عزیز، نواز اعجاز، صدیق سلمان، خالد بھٹی، سلطان عامر، منور کاکڑ، فرید احمد، راشد محمود، تصور عباس محمد رضوان جونیئر، محمد توثیق ارشد، سلیم ناظم اور اویس رحمان، علی رضا، اعجاز احمد، فیاض یعقوب، تیمور ملک، ذیشان بخاری، قمر علی خان اور رضوان علی نے پہلے روز پریکٹس میں حصہ لیا۔ ہیڈ کوچ خواجہ جنید نے پہلے روز کھلاڑیوں کو ٹیکنیکل سکلز کے حوالے سے آگاہ کیا۔