قصور (نمائندہ نوائے وقت) تھانہ بی ڈویژن کے علاقہ بھٹہ حاجی سوہن دین میں غیر اخلاقی سی سی ٹی وی ویڈیو میں ملوث ملزم گرفتارکرلیا گیا، ڈی پی او قصور زاہد نواز مروت نے واقعہ کی تفصیلات بتاتے کہا کہ بھٹہ حاجی سوہن دین میں غیر اخلاقی ویڈیو منظر عام پر آئی جس میں نامعلوم نوعمر لڑکا کمسن بچی کیساتھ نازیبا حرکات جو سوشل میڈیا پر وائرل ہوئی، مقامی صحافیوں نے پولیس کے نوٹس میں دیا، نامعلوم ملزم کی گرفتاری کیلئے تفتیشی ٹیم نے سی سی ٹی وی فوٹیج میں ملزم کی موٹرسائیکل کا نمبر مبہم تھا جس کو جدید ترین ٹیکنالوجی کے استعمال کے بعد واضح کیا گیا، موٹرسائیکل نمبرLEK/8711 کے مالک کی تلاش شروع کردی، ملزم غلام عباس سکنہ بھٹہ حاجی سوہن دین کو حراست میں لے لیا، دوران تفتیش ملزم نے اعتراف جرم کیا۔ مزید بتایا کہ سی سی ٹی وی فوٹیج میں دکھائی دینے والی کمسن بچی اسکی کزن ہے۔ جس کو میں نے موٹرسائیکل پر سواری کرنے کے بہانے گھر سے اٹھایا بھٹہ حاجی سوہن دین کے قریب ویران جگہ پر لیجا کر زیادتی کرنے کی کوشش کی، قصور پولیس نے صحافی دوستوں کے ساتھ باہمی آہنگی سے نامعلوم ملزم کو ٹریس کرکے گرفتار کرلیا۔