قلعہ دیدار سنگھ، گوجرانوالہ (نامہ نگار، نمائندہ خصوصی) خون سفید ہوگیا‘ زمین کے تنازعہ پرحقیقی بیٹے نے باپ ا ور بھائی کو فائرنگ کرکے قتل کر دیا۔ صحافی رانا عابد مصور اوراس کے والد مصور خاں گھر میں سو رہے تھے ‘ قتل کرنے کے بعد ملزم موقعہ سے فرار‘ مقدمہ درج‘ گرفتاری کے لیے پولیس کے چھاپے۔ تفصیلات کے مطابق تھانہ قلعہ دیدارسنگھ کے علاقہ محلہ کمیٹی والا کے رہائشی کاشف مصور کا والد مصور خان سے جائیداد کا تنازعہ چلا آرہا تھا گزشتہ روز ملزم کاشف مصور نے گھر میں داخل ہو کر بستر پر سوئے ہوئے باپ اور بھائی کو فائرنگ کرکے قتل کر دیا اور فرار ہوگیا۔اطلاع ملتے ہی مقامی پولیس جائے وقوعہ پر پہنچ گئی اور نعشوں کو تحویل میں لے کر پوسٹ مارٹم کیلئے ہسپتال منتقل کر دیا ۔