نوشہرہ:مکان کی چھت گرنے سے 2 بچےجاں بحق

نوشہرہ میں بارش کے باعث مکان کی بوسیدہ چھت گر  نے سے ملبے تلے دب کر 2 بچے جاں بحق اور ایک ہی خاندان کے7 افراد زخمی ہو گئے۔ پولیس کے مطابق  نوشہرہ میں بارش  نے تباہی مچا دی ،مکان کی چھت گرنے سے ایک ہی خاندان کے 9 افراد ملبے میں دب گئے۔ امدادی کارروائیوں کے دوران 11 سالہ فرہاد اور 6 سالہ ریشماں کی لاشوں اور خاندان کے سربراہ شبیر سمیت 7 افراد کو زخمی حالت میں نکال لیا گیا۔ زخمیوں میں میاں بیوی اور بچے شامل ہیں، جنہیں  ہسپتا ل منتقل کر دیا گیا ہے، جہاں انہیں طبی امداد دی جا رہی ہے۔