صومالیہ کے دارلحکومت موغادیشو  میں بم دھماکا، دس افراد ہلاک 

موغادیشو(این این آئی)صومالی دارالحکومت موغادیشومیں دھماکا خیز مواد سے بھرے ایک رکشے کے پھٹنے کے نتیجے میں کم از کم دس افراد ہلاک ہو گئے۔غیرملکی خبررساں ادارے کے مطابق حکام نے بتایاکہ بتایا گیا کہ عسکریت پسند تنظیم الشباب نے یہ دھماکا خیز مواد سے لدا رکشہ ایک معروف ریستوان کے قریب تباہ کیا۔ مقامی پولیس کے مطابق اس واقعے میں دیگر تیس افراد زخمی بھی ہوئے ۔ دوسری جانب طبی ذرائع ہلاکتوں کی تعداد کم از کم بیس بتا رہے ہیں۔ اس حملے کی ذمہ داری الشباب نے قبول کر لی ہے۔