لاہور(نیوزرپورٹر)لاہور شہر میں صفائی کی صورت حال بہتر نہ ہو سکی جگہ جگہ کوڑے کرکٹ کے ڈھیرنے باغوں کے شہر کو تعفن میں بدل دیا جس سے لاہور کا حسن ماند پڑ گیا ہے۔وزیر اعلی پنجاب کے نوٹس کے باوجو شہر کی اہم شاہراہوں، سڑکوں، چوراہوں اور گلی محلوں میں گندگی کے ڈھیر بدستور قائم ہیں۔ایک طرف جہاں کنٹینر زسے کوڑا باہر ارہا ہے وہیں اس کے ساتھ بھی کئی گنا اونچے کوڑے کے ڈھیر جا بجا نظر آرہے ہیں۔لاہور میں اقبال ٹاون ، مسلم ٹاون ،سمن آباد گلبرگ،یتیم خانہ ،چوبرجی ،گڑھی شاہو ،مغل پورہ ،وسن پورہ ،بادامی باغ،شاد باغ ،نشتر کالونی ،قینچی امرسدھو،والٹن اور دیگر  علاقوں میں صفائی کی انتہائی خراب صورت حال ہے۔شہریوںنے وزیراعلی پنجاب سے فوری نوٹس لینے کا مطالبہ کیا ہے اور جن وزراء اور سیاسی لوگوں نے یہاں تک نوبت پہنچائی ہے ان کا بھی محاسبہ کرنے کا مطالبہ کیا ہے ۔