پولیس نے دلہن کی والدہ کو گرفتار کر لیا ،باراتیوں ،دولہے کا احتجاج

خان پور ( تحصیل رپورٹر ) پولیس نے کارکردگی بنانے کے چکر میں شادی والے گھر سے 70 سالہ خاتون کو گرفتار کرلیا ، دولہا ، دولہن اور باراتیوں کا احتجاج  تفصیل  کے مطابق پولیس کے خلاف خاتون کے رشتے داروں نے احتجاج کرتے ہوئے میڈیا کو بتایا کہ انور بی بی کی بیٹی حمیداں بی بی کی شادی تھی مگر صدر پولیس کے اے ایس آئی حفیظ اللہ نے محض اپنی کارکردگی بنانے کے چکر میں شادی والے گھر سے انور بی بی کو گرفتار کیا ورثاء نے یہ بھی الزام عائد کیا کہ پولیس نے ریڈ کے دوران گھر میں دولہن کے جہیز سے قیمتی جیولری اور نقدی وغیرہ بھی اٹھا لی ہے۔