لاہور (سپورٹس رپورٹر)  لاہور پولو کلب کے زیراہتمام ٹاور 21 قائداعظم گولڈ کپ اوپن کا فائنل ایچ این پولو نے جیت لیا۔ فائنل میںسڈن ڈیتھ پرچھٹے چکر میں نیوایج کیبلز/ماسٹر پینٹس کی ٹیم کو 9-8 سے شکست کا سامنا کرنا پڑا۔ ڈی ایس پولو /رضویز نے سب سڈری فائنل میں میدان مار لیا۔ مہمان خصوصی سی ای او ٹاور 21 حمزہ رضا ملک، مینجمنٹ ٹاور 21، لاہور پولو کلب کے صدر عمر صادق، سیکرٹری آغا مرتضی علی خان، ایگزیکٹو کمیٹی ممبرز اور تماشائیوں کی ایک بہت بڑی تعداد موجود تھی۔