گوجرخان (نامہ نگار) مسلم لیگ ن کے رہنما سابق پارلیمانی سیکرٹری اور امیدوار برائے قومی اسمبلی چوہدری خورشید زمان اور او پی ایل کے صدر چوہدری محمد اشتیاق، پوٹھوہار پریس کلب کے نومنتخب امیدواروں کو مبارکباد دینے کیلئے آئے،ان کے ہمراہ لیگ ن یوتھ کے صدر خواجہ جہانگیر،سابق کونسلر راجہ آفتاب،تاجر راہنما ندیم مغل،نوجوان لیڈر چوہدری کاشف گجر،سید آل احمد اور بابرعلی بھی تھے انہوں نے  پوٹھوہار پریس کلب کے صدر احمد نواز کھوکھر،جنرل سیکرٹری زرین خان،نائب صدور راجہ اقبال،مرزا رفعت،جوائنٹ سیکرٹری ڈاکٹر وقار بٹ اور راجہ ظفر اقبال بھٹی کو مبارکباد دی،مٹھائی کھلائی اور ہار پہنائے،چوہدری خورشید زمان نے اس موقع پر کہا کہ پوٹھوہار پریس کلب کے عہدیداروں کی جمہوری عمل کے ذریعے کامیابی خوش آئند امر ہے،انہوں نے مزید کہا کہ حکومت اب چند دنوں کی مہمان ہے،جمہوریت اس ملک کا مقدر ہے،موجودہ حکومت کی نا اہلی کے سبب اس ملک کی اساس کو نقصان پہنچا، کرپشن کئی سو گنا بڑھ گئی،اصل سیاسی قوت نواز شریف کو سیاست سے با ہر نکالنے کی کوششیں کی گئیں۔ انہوں نے کہا کہ چوہدری ریاض اور چوہدری خورشید زمان نواز شریف کے سچے سپاہی ہیں،آخر میں صدر احمد نواز کھوکھر نے پوٹھوہار پریس کلب کی طرف سے چوہدری خورشید زمان،چوہدری محمد اشتیاق اور تشریف لانے والے تمام معزز مہمانوں کا شکریہ ادا کیا۔