محکمہ موسمیات کے مطابق آج اسلام آباد میں مطلع ابر آلود رہنے کے علاوہ گرج چمک کے ساتھ بارش کا بھی امکان ہے۔
اسلام آباد میں کم سے کم درجہ حرارت 11 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 68فیصد تک رہنے کا امکان ہے۔
بلوچستان کے بیشتر اضلاع میں موسم خشک اور شمالی اضلاع میں مطلع جزوی طور پر ابر آلود رہے گا، تا ہم کوئٹہ چمن، قلعہ سیف اللہ، بارکھان،ژوب، پشین،لورالائی میں آندھی /گرج چمک کے ساتھ بارش اور پہاڑوں پر برفباری کا بھی امکان ہے۔محکمہ موسیات کے مطابق کوئٹہ میں کم سے کم درجہ حرارت منفی 10 ڈگری سینٹی گریڈ ریکارڈ کیا گیا جبکہ زیارت میں کم سے کم درجہ حرارت منفی01 ڈگری سینٹی گریڈ کیا گیا۔اس کے علاوہ قلات میں کم سے کم درجہ حرارت منفی 5 ڈگری سینٹی گریڈ کیا گیا جبکہ نوکنڈی میں 15ڈگری سینٹی گریڈ ریکارڈ کیا گیا۔بلوچستان کے ساحلی علاقے گوادر میں کم سے کم درجہ حرارت18 ڈگری سینٹی گریڈ ریکارڈ کیا گیا۔ملتان اور گردونواح میں موسم ابر الود رہے گا جبکہ آسمان پر بادل چھائے رہیں گے اورشام میں گرد آلود ہوائیں چلنے کا بھی امکان ہے۔ملتان میں آج زیادہ سے زیادہ درجہ حرارت 17ڈگری سینٹی گریڈ تک جانے کا امکان ہے جبکہ کم سے کم درجہ حرارت 15 ڈگری سینٹی گریڈ تک رہنے کا امکان ہے۔محکمہ موسمیات نے بتایا کہ آج ہوا میں نمی کا تناسب 85فیصد ریکارڈ کیا گیا۔صوبہ پنجاب کے بیشتراضلاع میں موسم سرد اور خشک اور بالائی پنجاب میں مطلع جزوی ابر آلود رہے گا۔اس کے علاوہ صبح کے اوقات میں سیالکوٹ، لاہور، نارووال، گوجرانوالہ، سرگودھا اور گرد ونواح میں دھند پڑنے کا امکان ہے۔خیبرپختونخوا کے بیشتر بالائی اضلاع میں مطلع ابر آلود رہے گا۔اس کے علاوہ چترال، دیر، سوات، مالاکنڈ، کالام، کوہستان، بونیر، شانگلہ ،ایبٹ آباد اور مانسہرہ میں تیز ہواؤں اور گرج چمک کے ساتھ ہلکی سے درمیانی بارش اور پہاڑوں پر برفباری کا امکان ہے۔
