نیشنل اوپن پولو چیمپئن شپ کا آغاز آج سے ہوگا

لاہور(سپورٹس رپورٹر) لاہور پولو کلب کے زیراہتمام سنچری 99 نیشنل اوپن پولو چیمپئن شپ برائے قائداعظم گولڈ کپ آج سے لاہور پولو کلب کے تاریخی گراؤنڈز میں شروع ہو رہی ہے۔ لاہور پولو کلب میں پرہجوم پریس کانفرنس کرتے ہوئے لاہور پولو کلب کے صدر عمر صادق، ایگزیکٹو کمیٹی ممبرز آغا مرتضی علی خان، شاہ قبلائی عالم، فیروز گلزار، آغا نجیب رضا اور دیگر نے سپانسرسنچری وینچرز پرائیویٹ لمیٹڈ کے ڈائریکٹرز ایاز لاکھانی، کامران افصل، وسیم مظہر، نازیہ وسیم  کے ہمراہ کیا۔ لاہور پولو کلب کے صدر عمر صادق نے بتایا کہ نیشنل اوپن پولو چیمپئن شپ لاہورپولو کلب کا ایک تاریخی ٹورنامنٹ ہے جو سب سے بڑا ٹورنامنٹ کہلاتا ہے اور ہر سال اس ٹورنامنٹ میں شرکت کیلئے دنیائے پولو کے بڑے کھلاڑی کلب آتے ہیں۔