وائٹ ہاؤس کے سیچوئیشن روم  میں ہونیوالے اس اجلاس میں امریکی کمانڈر جنرل سٹینلے میکرسٹل نے صدرباراک اوبامہ کو قندھار آپریشن سے متعلق تفصیلات سے آگاہ کیا ۔ جنرل سٹینلے میکرسٹل کا کہنا تھا کہ افغانستان میں مزید تیس ہزار فوجی بھیجنے کی پالیسی کے مثبت اثرات مرتب ہو رہے ہیں ۔ انہوں نے بتایا کہ اضافی دستوں کی تعیناتی سے اگلے سال امریکی فوجوں کی واپسی کا عمل شروع کرنے میں مدد ملے گی ۔ امریکی سینٹرل کمانڈر کے سربراہ جنرل ڈیوڈ پیٹریاس نے بھی اجلاس میں حصہ لیا ۔ اجلاس میں نیویارک ٹائمز سکوائر کے واقعے سے پیدا ہونیوالی صورتحال کا جائزہ لیا گیا ۔ صدر کے مشیر جان برینن نے فیصل شہزاد کے مقدمے اور اس سلسلے میں ہونیوالی گرفتاریوں سے آگاہ کیا ۔ امریکی صدر نے اس معاملے میں پاکستانی حکومت کے تعاون کو سراہا ۔