حافظ آباد : سعودی عرب میں ٹریفک حادثہ میں 2 بھائی جاں بحق

حافظ آباد(نمائندہ نوا ئے وقت)پنجاب ٹیچرز یونین حافظ آباد کے ضلعی سیکرٹری جنرل ریاض احمد تارڑ کے 2حقیقی بھائی سعودی عرب میں حادثہ کے دوران جاں بحق ہو گئے۔ نواحی گاؤں بیری والہ کے رہائشی ریاض احمد تارڑ کا ایک بھائی سمیع اللہ گزشتہ 4برس سے روز گار کے سلسلہ میں سعودیہ میں مقیم تھا جبکہ دوسرا بھائی کلیم اللہ تین روز قبل روز گار کے سلسلہ میں گیاتھا۔ دونوں بھائی گاڑی میں جا رہے تھے کہ حادثہ پیش آیا جس میں دونوں جاںبحق ہو گئے۔ ان کی ہلاکت کی خبر بیری والہ پہنچی تو گھر میں کہرام برپا ہو گیا۔