گوجرانوالہ: سکریپ کے گودام میں ناکارہ بم پھٹنے سے 4 مزدور شدید زخمی، دو کی حالت تشویشناک

گو جرانوالہ(نمائندہ خصوصی) سکریپ کے گودام میں ناکارہ بم پھٹنے سے 4 مزدور شدید زخمی ہوگئے۔ تفصیلات کے مطابق اعوان چوک کے قریب واقع سکریپ کے گودام میں محنت کش فرحان، رخسار اور سمیع اللہ وغیرہ حسب معمول کام میں مصروف تھے اس دوران اچانک زور دار دھماکہ ہوا جس کے نتیجہ میں چاروں مزدور شدید زخمی ہوگئے۔ ریسکیو اہلکاروں نے موقع پر پہنچ کر زخمیوں کو فوری طور پر ڈسٹرکٹ ہسپتال منتقل کیا، جہاں ڈاکٹرز کے مطابق فرحان اور رخسار کی حالت تشویشناک بیان کی جارہی ہے۔