زیک گولڈسمتھ کی شکست‘ عمران کا تبصرہ سے گریزکیا اب لندن میں دھرنا دیں گے: سوشل میڈیا پر تبصرے

اسلام آباد (اپنے سٹاف رپورٹر سے) چیئرمین تحریک انصاف عمران خان سے جب لندن کے میئر کے الیکشن میں ان کے بچوں کے ماموں زیک گولڈ سمتھ کی شکست کے بارے میں سوال کیا گیا تو وہ مسکرا دیئے اور مزید کچھ نہ کہا۔ دریںاثنا زیک گولڈ سمتھ کو شکست دیکر پاکستانی نژاد صادق خان کے میئر منتخب ہونے کے بعد میڈیا پر عمران خان پر کڑی تنقید شروع ہو گئی ہے۔ سوشل میڈیا پر بعض افراد نے سوال کیا ہے کہ اب عمران خان کے ہاتھ کیا آیا‘ کیا یہاں بھی دھاندلی ہوئی ہے۔کیا اب تحریک انصاف لندن میں بھی دھرنا دے گی۔ یاد رہے کہ عمران خان نے صادق خان کے مقابلے میں زیک گولڈ سمتھ کی حمایت کی تھی۔
عمران / جواب