ہنگو: کھیل کے دوران جھگڑا، فائرنگ سے ایک شخص جاں بحق، 5 زخمی، 3 ملزم گرفتار

 ہنگو(صباح نیوز) ضلع ہنگو کے یونین کونسل دلن میں کھیل کود کے دوران معمولی تکرار پر دو فریقین کے مابین کراس فائرنگ سے ایک شخص جاں بحق جبکہ5 شدید زخمی ہوگئے۔ تفصیلات کے مطابق ضلع ہنگو پولیس نے بتایا کہ ضلع ہنگو کے تحصیل ٹل یونین کونسل دلن میں سپورٹس گرائونڈ میں کھیل کود کے دوران چھوٹوں کی لڑائی میں بڑے کود پڑے جس کے نتیجے میں دونوں فریقین کے مابین کراس فائرنگ کا تبادلہ ہوا۔ فائرنگ کے نتیجے میں شفیع اللہ نامی شخص جاں بحق جبکہ رحمان گل، عاطف اللہ، زبیر، اسلام الدین اور نوید اللہ زخمی ہو گئے جن کو فوری طور پر قریبی ہسپتال منتقل کر دیا گیا۔ تین ملزموں کو گرفتارکرلیا۔