نوازشریف پڑنانا‘ مریم نانی بن گئیں

لاہور (خصوصی رپورٹر) مسلم لیگ (ن) کے مرکزی رہنمائوں کی جوڑی مریم نواز اور کیپٹن (ر) صفدر نانی اور نانا جبکہ سابق وزیراعظم نوازشریف پڑنانا بن گئے ہیں جبکہ معروف صنعتکار اور سماجی شخصیت چودھری محمد منیر دادا بن گئے ہیں۔ گزشتہ شب مریم نواز اور کیپٹن (ر) صفدر کی صاحبزادی مہر النساء کے گھر بیٹی کی پیدائش ہوئی۔ خاندانی ذرائع کے مطابق راحیل منیر اور مہر النساء کے گھر بیٹی کی پیدائش رات کو ہوئی۔ ماں اور نومولود بیٹی دونوں خیریت سے ہیں۔