لاہور ( سپورٹس رپورٹر )پہلی انٹرڈسٹر کٹ کلب کراٹے چمپئن شپ ڈریگن بروس کلب نے جیت لی ۔تفصیلات کے مطابق جاپان کراٹے ایسوسی ایشن پاکستان کی ذیلی تنظیم جاپان کراٹے ایسوسی ایشن آف پاکستان ڈسٹرکٹ لاہور کے زیر اہتمام پنجاب یونیورسٹی کے سپورٹس جمنازیم میں منعقد ہونے والی پہلی انٹرڈسٹر کٹ کلب کراٹے چمپئن شپ میں 14 کلبوں کے 300 سے زائد ویمنزاور مینز کھلاڑیوں نے حصہ لیا، چمپئن شپ میں انفرادی کاتا، ٹیم کاتا اور انفرادی کویمیٹ کے ایونٹ منعقد کئے گئے ۔ لڑکوں کے مقابلوں میں ڈریگن بروس جے اے ایل کلب نے 180 پوائنٹس کے ساتھ پہلی پوزیشن حاصل کی۔ زائی مارشل آرٹس کلب نے 150 پوائنٹس کے ساتھ دوسری پوزیشن جبکہ اوکیوا مارشل آرٹس کلب نے144 پوائنٹس کیساتھ تیسری پوزیشن حاصل کی۔لڑکیوں کے مقابلوں میںایف جی جے اے کلب نے185 پوائنٹس کے ساتھ پہلی پوزیشن حاصل کی، نیوفرینڈز جی کے اے کلب نے160 پوائنٹس کے ساتھ دوسری اور شاہین کراٹے کلب نے 125 پوائنٹس کے ساتھ تیسری پوزیشن حاصل کی ۔پہلی انٹرڈسٹر کٹ کلب کراٹے چمپئن شپ کاافتتاح مہمان خصوصی نبیل احمد اسسٹنٹ ڈائریکٹر سپورٹس پنجاب یونیورسٹی لاہور نے کیا۔جبکہ چمپئن شپ کے اختتام پر مہمان خصوصی سید تنویر شاہ ڈسٹرکٹ سپورٹس آفیسر لاہور نے کھلاڑیوں میں انعامات تقسیم کئے۔