لاہور(سپورٹس رپورٹر) پاکستان سمیت دنیا بھر میں 7 مئی بروز جمعرات کو ورلڈ اتھلیٹکس ڈے منایا جا رہا ہے۔ تاہم کورونا وائرس کے باعث تقریباً پوری دنیا میں کہیں کوئی نمایاں تقریب کا انعقاد نہ ہو سکا ہے۔ تفصیلات کے مطابق ایتھلیٹکس ڈے کا مقصد دنیا کے اتھلیٹس میں اس کی اہمیت کو اجاگر کرنا ہے، 1996ءسے ہر سال سات مئی کو انٹرنیشنل امیچور اتھلیٹکس فیڈریشن کے زیراہتمام ورلڈ ڈے منایا جاتا ہے تاہم اس سال کوروناوائرس لاک ڈاون کے باعث پاکستان اتھلیٹکس فیڈریشن نے کسی ایونٹ کا اہتمام نہیں کیا۔ صدر پاکستان اتھلیکٹس فیڈریشن جنرل ریٹائرڈ اکرم ساہی کے مطابق پاکستانی ایتھلیٹس کی کارکردگی میں نمایاں بہتری آنا خوشی کی بات ہے۔ انٹرنیشنل ایتھلیٹکس فیڈریشن نے بھی کسی ایونٹ کا اہتمام نہیں کیا کیونکہ کسی بھی ایونٹ سے اہم اتھیلٹس کی حفاظت ہے.