کراچی (اسپورٹس ڈیسک) پاکستان اور زمبابوے کے درمیان دو ٹیسٹ میچز کی سیریز کا دوسرا ٹیسٹ جمعے سے ہرارے میں کھیلا جائے گا۔پاکستان کو سیریز میں 0-1کی برتری حاصل ہے، پاکستان نے میچ سے قبل 13کھلاڑیوں کے ناموں کا اعلان کردیا۔ لیگ اسپنر زاہد محمود اور سعود شکیل 13 رکنی اسکواڈ میں شامل نہیں۔سیریز کے دوسرے ٹیسٹ کے لیے دونوں ٹیموں نے میچ کی بھرپور تیاری کی، پاکستان ٹیم دوسرا ٹیسٹ جیت کر 0-1سے سیریز اپنے نام کرنا چاہتی ہے، تو دوسری جانب زمبابوے ٹیم بھی پر امید ہے کہ وہ بہتر کارکردگی دکھائے گی۔پاکستان نے میچ سے قبل جن 13کھلاڑیوں کے ناموں کا اعلان کیا اس میں لیگ اسپنر زاہد محمود اور سعود شکیل کا نام شامل نہیں۔پاکستان اور زمبابوے کے درمیان ٹیسٹ میچ پاکستانی وقت کے مطابق دوپہر ساڑھے 12 بجے شروع ہوگا۔