جلالپورجٹاں (نامہ نگار) عید کی خوشیوں کو دوبالا کرنے کے لئے سیر کو جانے والے بدقسمت باپ ، بیٹا اور بیٹی ٹرین کی زد میں آ کر زندگی کی بازی ہار گئے ہنستا بستا گھرانہ ماتم کدہ بن گیا پورے علاقہ میں کہرام ہر آنکھ اشکبار تھی جلالپورجٹاں کے محلہ انصاری کی انتہائی ملنسار شخصیت 47 سالہ آفتاب احمد مغل ولد لال خاں اپنے بچوں 13 سالہ خدیجہ اور 8 سالہ موسیٰ آفتاب کو کھاریاں روڈ جلالپورجٹاں پر پلے لینڈ کی سیر کرانے گے جہاں سے گجرات شہباز شریف پارک کے لئے روانہ ہوگئے بدقسمت باپ اور بچے کٹھالہ پھاٹک گجرات کی بندش کے باعث سائیڈ سے نکلنے کی کوشش کرنے لگے کہ اچانک تیز رفتار ٹرین نے انہیں پھاٹک ایریا سے نکلنے کا موقع نہ دیا ٹرین انہیں دور تک گھسیٹتی ہوئی لے گئی جس کے نتیجہ میں آفتاب احمد مغل ان کی صاحبزادی خدیجہ آفتاب اور بیٹا موسیٰ آفتاب موقع پر ہی جاں بحق ہو گئے اطلاع ملتے ہی ریسکیو 1122 اور امدادی ٹیمیں موقع پر پہنچ گئیں جنہوں نے لاشوں کو عزیز بھٹی شہید ہسپتال بھجوا دیا جہاں سے قانونی کارروائی کے بعد لاشیں ورثاء کے حوالہ کر دیں گی ۔