فیروزوالہ (نامہ نگار) تھانہ فیروزوالہ کے قریب واقعہ جی ٹی روڈ کی آبادی رچنا ٹائون فیروزوالہ میں کٹی ہوئی پتنگ پکڑتے ہوئے دو نو عمر دوست طالبعلم بجلی کا کرنٹ لگنے سے بری طرح جھلس کر جاںبحق ہو گئے۔ رچنا ٹائون مین بازار میلاد چوک کے رہائشی حافظ محمد نعیم اور منور علی کے دو بیٹے حافظ عبدالرحمن دس سالہ اور عطاء الرحمن تیرہ سالہ اپنے مکان کی چھت پر کھڑے تھے کہ اس دوران کٹی ہوئی پتنگ آئی جسے پکڑنے کے لیے دونوں دوستوں نے ڈور کو پکڑا۔ دھاتی تار ہونے کے باعث کرنٹ آگیا جس سے دونوں طالبعلم دوست بری طرح جھلس کر شدید زخمی ہو گئے جنہیں طبی امداد کیلئے ہسپتال لایا گیا جہاں پر وہ دم توڑ گئے۔