سی ٹی اوکے چڑیا گھر‘باغ جناح ‘جیلانی پارک کے دورے 

لاہور(وقائع نگار)سی ٹی او لاہور منتظر مہدی نے لاہور چڑیا گھر، باغ جناح اور جیلانی پارک کا اچانک دورہ کیااور تمام افسروں کو تفریحی، تاریخی مقامات کا وزٹ کرنے کا حکم دیا، بعدازاں سی ٹی او لاہور نے فورٹریس سٹیڈیم داخلی و خارجی راستوں کا وزٹ کیا۔ وارڈنز کو بریفنگ دیتے ہوئے ان کا کہنا تھا کہ مین انٹرنس پر رانگ پارکنگ ہرگز برداشت نہیں کی جائے گی۔ سیف سٹی کیمروں اور مانیٹرنگ یونٹس کی مدد سے سرویلنس کی جائے گی، کھانے پینے کی ریڑھیوں، ٹھیلوں کو دور ہٹایا جائے، پارکنگ سٹینڈ کے علاوہ کہیں گاڑی پارک نہ ہونے دی جائے،   ہفتے اور اتوار کو بھی شہریوں کی بڑی تعداد پارکوں کا رکھ کرے گی، رانگ پارکنگ کرنے والوں کو بھاری جرمانے کئے جائیں، شہر میں کہیں بھی ٹریفک کا مسئلہ نہیں ہونا چاہیے۔