پانیولہ (نامہ نگار)آفیسر تعلقات عامہ ہمراہ وزیراعظم آزاد کشمیر محمد سعید کیانی نے کہا ہے کہ وزیراعظم آزاد کشمیر سردار تنویر الیاس خان 12 تاریخ بروز جمعرات وزیراعظم آزاد حکومت ریاست جموں کشمیر منتخب ہونے کے بعد پہلی بار اپنے آبائی گائوں تشریف لا رہے ہیں اہلیان پونچھ بلخصوص اہلیان حلقہ ایل اے 22 پونچھ 5 اپنے محبوب قائد وزیراعظم آزاد کشمیر سردار تنویر الیاس کے فقیدالمثال استقبال کی بھرپور تیاریاں کریں اور قائد کشمیر سردار تنویر الیاس کا بھرپور استقبال کریں۔وزیراعظم آزاد کشمیر سردار تنویر الیاس خان کے ہمراہ وزیرآزاد حکومت بھی تشریف لا رہے ہیں جہاں وہ عوام علاقہ سے خطاب کریں گے۔انہوں نے کہا کے وزیزاعظم آزاد کشمیر منتخب ہونے کے بعد پہلی بار اپنے آبائی علاقہ بنگوئیں تشریف لا رہے ہیں۔ وزیر اعظم کا تاریخی پرتباک استقبال کیا جائے گا جس کی تیاریاں شروع کر دی گئی ہیں وزیراعظم سردار تنویر الیاس کے دورے حلقہ پانچ تعمیر و ترقی کے حوالہ سے اہم اعلانات متوقع ہیں انہوں نے مزید کہا کہ 12 مئی کو نوجوانوں کے دلوں کی دھڑکن محبوب قائد کا تاریخی استقبال کرنے کے لیے  کارکن اور عوام بھرپور شرکت کریں۔