ریاست مدینہ کے دعویداروں نے قوم سے دھوکہ کیا: ثاقب خورشید

 وہاڑی (نامہ نگار ) مسلم لیگ ن کے ایم پی اے میاں ثاقب خورشید نے عید ملنے کے لئے آئے معززین سے گفتگو کرتے ہوئے کہا وہاڑی شہر کی تعمیر و ترقی کا کام جلد شروع کر دیا جائے  گا۔ ن لیگ ہی ملک و قوم کا مستقبل روشن بنائے گی۔وزیر اعظم شہباز شریف نے چند ایام میں ملک سے لوڈ شیڈنگ کا خاتمہ کر دیا ہے اس موقع پر میاں ثاقب خورشید ایم پی اے کی رہائشگاہ پر ایم این اے سید ساجد سلیم مہدی   ملک نوشیر لنگڑیال سابق ایم پی اے میاں آصف خورشید میاں نیرب خورشید سابق ناظم یونین کونسل میاں عمر فاروق کمبوہ رانا اکرام ‘سیف اللہ‘ حسن اقبال ‘ خالد پرویز سمیت  دیگر موجود تھے  انہوں نے کہا کہ نام نہاد تبدیلی والوں سے قومی خزانے کی لوٹ مار کا حساب لئے بغیر نئے انتخابات نہیں ہوں گے ریاست مدینہ کے دعویداروں نے قوم سے دھوکہ کیا اور اپنے فرنٹ مینوں کے  ذریعے اربوں کی لوٹ مار کی اور  توشہ خانے کا حساب دینے کی بجائے  واویلا مچا رہے ہیں پوری قوم آپ کے جھوٹ  کو پکڑ چکی ہے انہوں نے کہا کہ عمران خان نے ملکی معیشت کا بیڑا غرق کرنے کے بعد اخلاقیات کا جنازہ بھی نکال دیا ہے۔