شجاع آباد (نمائندہ نوائے وقت)جھوٹ بول کر نوجوان نسل کو گمراہ کرنے والے ملک و قوم کے خیر خواہ نہیں عمران خان آپ کے جھوٹ و فریب کو قوم جان چکی اب قوم آپ سے ساڑھے تین سالہ اقتدار کا حساب لے گی یہ بات مسلم لیگ ن کے رہنما سید جاوید علی شاہ سید مجاہد علی شاہ نے اپنے ڈیرے پر عید ملنے آنے والے سیاسی عمائدین و سماجی شخصیات سے گفتگو کرتے ہوئے کہی انہوں نے کہا کہ سابقہ حکمرانوں نے مہنگائی بے روزگاری کے سوا قوم کو کچھ نہیں دیا اقتدار میں آنے سے پہلے بلند و بانگ دعوے کرنے والوں نے بائیس کروڑ عوام کو مایوس کیا کرپشن کو پروان چڑھایا پی ڈی ایم کی سابقہ حکومت سے چھٹکارے کی جہدوجہد کامیاب ہوئی انہوں نے کہا کہ وزیراعظم میاں شہباز شریف خادم پاکستان بن کر ملک و قوم کی خدمت کر رہے ہیں وہ انشا اللہ جلد بحرانوں پر قابو پا لیں گے ۔اس موقع پر سابق وائس چیئرمین ضلع کونسل ملتان سید واجد علی شاہ سید زین علی شاہ سید علی رضا شاہ بھی موجود تھے ۔