ایشیا کپ ‘ورلڈ کپ ‘چیمئنز ٹرافی ‘نجم سیٹھی میٹنگز کیلئے دبئی جائیں گے

لاہور(سپورٹس رپورٹر)چیئرمین پاکستان کرکٹ بورڈ مینجمنٹ کمیٹی نجم سیٹھی آج رات دبئی روانہ ہوں گے۔ذرائع کے مطابق نجم سیٹھی دبئی میں ایشین کرکٹ کونسل اور آئی سی سی کے عہدیداروں سے ملاقات کریں گے۔ نجم سیٹھی دبئی میں ایشیا کپ، ورلڈ کپ اور چیمپئنز ٹرافی پر گفتگو کریں گے اور ایونٹس سے متعلق پاکستان کا مؤقف پیش کریں گے۔ذرائع کے مطابق نجم سیٹھی تین دن دبئی میں قیام کے بعد انگلینڈ روانہ ہوجائیں گے، جہاں ان کی میٹنگز شیڈولڈ ہیں۔ذرائع کا کہنا ہے کہ نجم سیٹھی لفبرا یونیورسٹی میں بائیو مکینک لیب کا دورہ کریں گے، پی سی بی کا لفبرا یونیورسٹی کیساتھ ایم او یو پر دستخط ہونے کا امکان ہے۔