لاہور (نامہ نگار) ڈاکوئوں اور چوروں نے وارداتوں کے دوران متعدد شہریوں سے لاکھوں روپے‘ طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ تفصیلات کے مطابق ڈاکوؤں نے فیصل ٹاؤن علی فیروز اور اس کی بہن سے 33 لاکھ‘ زیورات اور موبائل فون، ہنجروال میں ارسلان اور اس کی فیملی سے 10لاکھ 37ہزار‘ طلائی زیورات اور نقدی،گرین ٹاؤن میں حفیظ کے گھر سے 4 لاکھ 16 ہزار ‘ طلائی زیورات، موبائل فون اور دیگر سامان، سمن آباد میں فہیم سے ایک لاکھ87 ہزار اور موبائل فون اور دیگر سامان، گجر پورہ میں نعمان سے 85 ہزار اور موبائل فون، بھاٹی گیٹ میں واجد سے 45 ہزار اور موبائل فون، شفیق آباد میں محبوب سے 25 ہزار اور موبائل فون، کاہنہ میں فرقان سے 15 ہزار اور موبائل فون لوٹ لیا۔ چوروں نے  منور کے گھر سے 3 لاکھ‘ طلائی زیورات اور دیگر سامان چوری کر لیا۔ چوروں نے جوہر ٹاؤن، نواں کوٹ اور ہربنس پورہ میں 3 گاڑیاں جبکہ مصری شاہ، ٹاؤن شپ، شیراکوٹ، لٹن روڈ، ہربنس پورہ ، شمالی چھاؤنی اور نواں کوٹ سے 7موٹر سائیکلیں چوری کر لیں۔