لاہور (خصوصی نامہ نگار) جامعہ اشرفیہ لاہور میں حسب سابق سالانہ حج تربیتی پروگرام جاری ہیں جو کہ 18 جون تک ہر اتوار کو صبح 10 بجے سے سہ پہر 4 بجے تک منعقد ہونگے۔ ان پروگراموں میں سرکاری اورپرائیویٹ طورپرحج پر جانے والے عازمین حج شرکت کر یں گے۔ اسی سلسلہ میں آج جامعہ اشرفیہ لاہور میں حج تربیتی پروگرام منعقد ہوگا جس سے جامعہ اشرفیہ لاہور کے مہتمم مولانا حافظ فضل الرحیم اشرفی، پروفیسر مولانا ا محمد یوسف خان اور مفتی محمد زکریا سمیت دیگر علماءاور مفتی حضرات خطاب کریں گے جبکہ حج تربیتی پروگراموں میں خواتین کیلئے بھی باپردہ شرکت کا اہتمام ہے۔