ہنزہ کے علاقے گلمت کے محلہ کمرس میں زلزلے کے جھٹکے، زمین میں دراڑیں پڑ گئیں۔زلزلے کے جھٹکے محسوس ہوتے ہی محلہ کمرس کے علاقے میں خوف و ہراس پھیل گیا۔ لوگ کلمۂ طیبہ کا ورد کرتے ہوئے گھروں سے باہر نکل آئے۔زلزلے سے ہنزہ کے علاقے گلمت کے محلہ کمرس میں زمین میں دراڑیں پڑ گئیں۔ذرائع کے مطابق اب تک زلزلے سے کسی جانی یا مالی نقصان کی اطلاعات موصول نہیں ہوئیں۔ زلزلے کی شدت کے حوالے سے بھی اطلاعات اب تک نہیں ملی ہیں۔