سرگودھا ‘ قصور‘گوجرہ ‘کسووال میں4خواتین  ‘ایک بچے سے زیادتی 

سرگودھا‘قصور‘ گوجرہ‘کسووال (نمائندہ خصوصی‘نمائندہ نوائے وقت ‘نامہ نگار) اوباشوں نے4خواتین  اور ایک بچے کو زیادتی کا نشانہ بنا ڈالا ۔ پولیس نے واقعات کے مقدمات درج کر کے بچے سے زیادتی کے ملزم کو گرفتار کر لیا۔ سرگودھا کے چک 88 شمالی میں اوباش نوجوان عرفان نے گاؤں کے محنت کش کے گھر داخل ہو کر اس کی بیوی (ک) کو زیادتی کا نشانہ بنا ڈالا جبکہ قصبہ پھلروان میں 11 سالہ بچے کو اوباش عبدالحمید نے اپنی ہوس کا نشانہ بنا ڈالا۔گوجرہ میں اوباشوں نے گھر میں داخل ہوکر خاتون ( ب ) کو زیادتی کا نشانہ بنا ڈالا‘ کسووال نوجوان شادی شدہ خاتون (س)کو اوباش ملزم نے زیادتی کا نشانہ بنا ڈالا۔قصور کے نواحی علاقے بھوئے آصل میں بچی(م) کو اس کے کزن نے جنسی زیادتی کا نشانہ بنادیا۔