لاہور (نیٹ نیوز) لاہور کے علاقے جنوبی چھاؤنی کے علاقے میں نجی سوسائٹی میں گیس لیکیج کے باعث دھماکے سے 3افراد زخمی ہو گئے۔  گیس لیکیج سے اچانک دھماکہ ہوا۔ ریسکیو حکام کے مطابق دھماکے سے گھر کے کچن میں موجود تین افراد زخمی ہو گئے۔ جنہیں طبی امداد کی فراہمی کیلئے فوری طور پر قریبی ہسپتال منتقل کر دیا گیا۔ پولیس کے مطابق گیس لیکیج کا دھماکہ گھر کی دوسری منزل پر ہوا اور اس کے باعث قریبی گھروں کے شیشے بھی ٹوٹ گئے۔