ڈھوک چوہدریاں میں گھر سے50 لاکھ روپے اور چھ لاکھ روپے مالیتی سونا چوری

راولپنڈی(اپنے سٹاف رپورٹر سے)ڈکیتی چوری کی وارداتوں میں شہری نقدی ، سونا ، کار ،موٹر سائیکلوں سے محروم کردئیے گئے تھانہ سٹی کوغزالہ نوید نے بتایا کہ چائنہ مارکیٹ میں دو افراد مجھ سے میرابیگ چھین کرفرار ہوگئے جس میں تین لاکھ 25ہزارروپے تھے تھانہ ریس کورس کو محمد وسیم نے بتایا کہ ڈھوک چوہدریاں میں میرے گھر کے دروازے کا شیشہ توڑ کر50 لاکھ روپے کی نقدی اور چھ لاکھ روپے مالیتی سونا چوری کرلئے گئے تھانہ ائر پورٹ کو آصف سلطان نے بتایا کہ عسکری تھری میں تین تولہ سونا مالیتی چھ لاکھ روپے چوری کرلیا گیا گھریلو ملازمہ نے چوری کی ہے تھانہ روات کو اسامہ نذیر نے بتایا کہ بگا شیخاں میں میری چار عدد سولر بیٹریاں چوری ہوگئیں تھانہ وارث خان کو محمد صفوان نے بتایا کہ ڈھوک چوہدریاں میں موٹر سائیکل پر سوار لڑکے اور عورت نے مجھ سے 50 ہزار روپے چھین لئے