بیول (نامہ نگار)گورنمنٹ ہائیر سیکنڈری سکول بیول میں نئے پرنسپل نے اپنے عہدے کا چارج سنبھال لیا۔ احمد اکرام کی گریڈ انیس میں بطور پرنسپل ترقی۔ڈینیز ہائیر سکینڈری سکول مریڑ حسن کے ایس ایس سٹیٹ میتھ کی گریڈ انیس میں ترقی ۔گورنمنٹ ہائیر سیکنڈری سکول بیول میں بطور پرنسپل تقرری احمد اکرام نے اپنے عہدے کا چارج سنبھال لیا۔نئے پرنسپل نے استقبالیہ تقریب سے خطاب کرتے ہوئے کہا کہ انچارج پرنسپل افتخار احمد کی سرپرستی میں ادارے کا انتظام و انصرام دیکھ کر مجھ دلی مسرت ہوئی۔ مجھ سے ادارے کی بہتری کیلئے جو کچھ ممکن ہوا میں ضرور کروں گا۔سابق پرنسپل افتخار احمد نے کہا کہ ادارہ آپ کی آمد پر دل کی گہرائیوں سے آپ کو خوش آمدید کہتا ہے۔ادارے کی بہتری کیلئے ہم ہرممکن تعاون کریں گے اور آپ سے قدم ملا کر چلیں گے ۔ یاد رہے کہ گورنمنٹ ہائیر سیکنڈری سکول بیول میں پرنسپل کی پوسٹ عرصہ دراز سے خالی چلی آرہی تھی۔اہل علاقہ نے احمد اکرام صاحب کی بطورِ پرنسپل تعیناتی کو ادارے اور علاقے  کے لیے نیک شگون قرار دیا ہے۔