ورلڈ ٹور ٹینس فائنلز: نواک نے فیڈرر‘ نڈال نے فیرر کو شکست دے دی

لندن(سپورٹس ڈیسک )اے ٹی پی ورلڈ ٹور فائنلز کے گروپ میچ میں نواک جوکوو چ نے راجرفیڈرر کو ہرا دیا ،نڈال نے فیرر کے خلاف کامیابی حاصل کی لندن میں جاری ایونٹ کے گروپ بی کے میچ میں جوکووچ اور فیڈرر آمنے سامنے تھے۔عالمی نمبر دوجوکووچ نے پہلے سیٹ میں چھ چار سے کامیابی حاصل کی ،دوسرے سیٹ میں مقابلہ ٹائی بریکر تک گیا ،اور فتح فیڈرر کے نام رہی،لیکن فیصلہ کن سیٹ میں جوکووچ نے کوئی غلطی نہیں کی صرف دو گیمز ڈراپ کرتے ہوئے میچ میں کامیابی حاصل کر لی۔ایک اور میچ میں سپین کے رافیل نڈال نے ہم وطن ڈیوڈ فیرر کو سٹریٹ سیٹس میں چھ تین اور چھ دو سے ہرا دیا۔