لاس ویگاس (سپورٹس ڈیسک )فلپائن کے باکسر مینی پکیائو نے ڈبلیو بی او ویلٹر ویٹ کا عالمی ٹائٹل جیت لیا ۔وہ اکتوبر 2015ء میں امریکی باکسر فلوئیڈ مے ویدر سے شکست کھا گئے تھے ۔مینی پکیائو نے گزشتہ روز ہونیوالے مقابلے میں چیمپئن جیسی ورگاس کو متفقہ فیصلے میں شکست دی ۔سینتیس سالہ باکسر نے ایک شکست کے بعد ریٹائرمنٹ کا اعلان کر دیا تھا تاہم بعد میں مقابلے کیلئے اعلان واپس لے لیا تھا ۔ججز نے 114-113‘118-109اور 118-109کے متفقہ فیصلے سے مینی پکیائو کو کامیاب قرار دیا۔